(1812)  Page(s) 293-294, t. 264.  Includes photo(s).
 
ROSA REVERSA.
Rosa germinibus ovatis, pedunculisque hispidis; caulibus aculeatissimis; aculeis subinermibus, reversis.
Frutex in solo natali subbipedalis, raro tripedalis, per culturam 5 - pedalis, aut et altior.
RADIX repens, pennam anserinam crassitie raro excedens, obscure fusca.
CAULES execti, recti, penna anserina haud multo crassiores, in culta planta tamen etiam digitum auricularem æquantes, superne ramoli: ramis patulis; cortice horno profunde et obscure rubro, demum obscure fusco; aculeis denissimis, subulatis, flexilibus, huic subinermibus, primum purpurascentibus, dein fusco-rulis, reversis, in ramis tamen superioribus patentissimis, vix notabiliter reversis; gemmis ovatis, utrinque subcarinatis, profunde purpureis; squamis apice nigris; libro lignoque pallide viridi; medulla alba.
FOLIA pallide flavescenti-viridia, bi - trijuga cum impari: foliolis subsessilibus, ovatis, acutis, quibusdam obtusis et subellipticis, duplicato-argute serratis, supra nudis, subtus pubescentibus; rachi inermi aut setis paucis glanduliferis adspersa. Petioli teretiusculi, supra fulco exarati, plerumque subpurpurascentes, setis purpureis, glanduliferis, rarioribus obsiti. Stipulae lanceolatæ; glandulis purpureis serrulatæ.
FLORES terminales ramulorum lateralium, dempto pedunculo vix pollice longiorum, solitarii in pedunculis indivisis, subpollicaribus, hispidis: setis copiosis, pallide purpurasceritibus, glandula obscure purpurea terminatis.
CALYX setis purpureis glanduliferis, hispidissimus: basi (tubo seu germine Linnæi) ovata; laciniis lanceolatis, tubo prope triplo longioribus, in appendicem seu cuspidem apice nonnihil latescentem elongatis, integerrimis, simplicibus, sæpe tamen una alterave hinc aut utrinque laciniam angustissimam proferente, intus ac præsertim margine villosis: villis tenuissimis, longiusculis albis.
COLOLLA calycis laciniis prope duplo longior, pallidissime rosea: petalis obcordatis, concavis.
STAMINA plurima, calyci inserta: filamentis capillaribus, primum pallide flavis, demum expallescentibus; antheris oblongis, utrinque bifidis, obtusis, planiusculis, nec (ut in generibus plantarum describuntur) trigonis.
PISTILLA plurima, calycis tubo conclusa: germinibus ovatis, oblongis, hirsütissimis: pilis albis, nitidis, longis; Stylis sere duplo longioribus, hirsutis, apid germinis, nec (ut in gener. plant. statuitur) lateri insertis, stigmate crassiusculo flavescente terminatis.
FRUCTUS calycis basis baccata, ovata, atro - rubra, nitida, setis rigidiusculis hispida. Semina ut in speciebus reliquis.
Habitat locis saxosis montium Matræ.
Floret a medio vel fine Maji.
A Rosa pyrenaica, cui similis est, differt: caulibus ramisque aculeatissimis; foliolis subtus pubescentibus; petalis inermibus, dense setosis; germinibus hispidissimis; setis pedunculorum densissimis.