(1825)  Page(s) Vol. 6, fasc.1, p.14, Pl. 517.  
 
POLYANDRIA POLYGYNIA.
TABULA 517.
CLEMATIS CIRROSA.
Clematis foliis simplicibus fasciculatis cordatis incisis, pedunculis uniflloris apice bracteatis, caule scandente.
C. cirrosa. Linn. Sp. Pl. 766. Willden. Sp. Pl. v. 2. 1287. Ait. Hort. Kew. ed. 2. v. 3. 842. Sims in Curt. Mag. t . 1070. DeCand. Syst. v. 1 . 162.
C. altera bœtica. Clus. Hist. v. 1 . 123.
C. bœtica. Ger. Em. 886. Dalech. Hist. 1434. Lob. Ic. 628. Bauh. Hist. v. 2. 126.
Clematitis peregrina, foliis pyri incisis. Bauh. Pin. 300. Tourn. Inst. 293. Pet. Gazoph. t. 126. f. 1.
C. cretica, foliis pyri incisis, nunc singularibus, nunc ternis. Tourn. Cor. 20. DeCand. ex herb. auctoris.
C. campanulata alba, teucrii folio. Cupan. Panphyt. v. 1 . t. 49.
Κληματιτις Diosc. lib. 4. cap. 182? Sibth.

Circa Athenas. Ϧ.

Caules lignosi, teretiusculi, sulcati, ramosissimi, scandentes, petiolis persistentibus, induratis, contortuplicatis, sustentati. Folia conferta, petiolata, simplicia, glabra, ovata, vix uncialia ; utrinque medio incisa ; quandoque trifida, vel tripartita. Pedunculi axillares, solitarii vel gemini, foliis breviores, filiformes, cernui, uniflori ; prope apicem bracteati; super bracteas incrassati, piloso-sericei. Bracteæ binæ, ovatæ, acutæ, rubicundæ, parvæ, persistentes. Flores penduli, campanulati, ochroleuci vel albidi, amœni ; magnitudine vix præcedentis. Petala obovata, nervosa, supra medium patentiora ; extùs tomentosa. Semina pubescentia, compressa, caudâ plumosâ, nitidâ, alba.
Inter elegantissimas hujus generis species jure numeratur. In hortis nostris lætè viget, semperque ferè viret, at rariùs, nec nisi sero autumno, flores perficit.
a. Flos, abreptis petalis.
b. Idem staminibus etiam orbatus.
c. Petalum.
d. Fructus vix maturus.

(1825)  Page(s) Vol. 6, fasc.1, p.13, Pl. 516.  Includes photo(s).
 
POLYANDRIA POLYGYNIA.
CLEMATIS.
Linn. Gen. Pl. 280. Juss. 232. Gærtn. t. 74. DeCand. Syst. v. 1. 131.
Calyx nullus. Petala quatuor ad octo, sestivatione valvata, vel marginibus inflexa. Semina plura, caudata. Receptaculum capitatum.
TABULA 516.
CLEMATIS VITICELLA.
Clematis foliis ternatìm decompositis cuneatis ovatisve, pedunculis unifloris medio bracteatis, petalis obovatis repandis.
C. Viticella. Linn. Sp. Pl. 765. Willden. Sp. Pl. v. 2. 1288. Ait. Hort. Kew . ed. 2. v. 3. 346. Curt. Mag. t. 565. DeCand. Syst. v. 1. 160.
C. tertia. Matth. Valgr. v. 2. 307.
C. altera. Camer. Epit. 696. Clus. Hist. v. 1 . 122. Dod. Pempt. 406.
C. peregrina cærulea. Ger. Em. 887.
C. sive Flammula, flore cæruleo et purpureo, scandens. Bauh. Hist. v. 2. 128.
Clematitis cærulea vel purpurea repens. Bauh. Pin. 300.
C. purpurea repens. Tourn. Inst. 294.
Pothos cæruleus Matthioli. Dalech. Hist. 1430.
Κληματιτις Diosc. lib. 4. cap. 182. Sprengel.

Ad sepes circa lacum Nicææ, Bithyniæ. Ϧ.

Caules lignosi, graciles, late diffusi, vel scandentes, ramosissimi, angulati, sulcati, pubescentes. Rami oppositi, foliosi. Folia opposita, petiolata, composita, aut decomposita; foliolis ternatis; vel ovatis, indivisis, integerrimis ; vel trilobis, cuneatis, variè laciniatis ; omnibus pilosis, venosis, deciduis. Stipulæ nullæ. Petioli pilosi, persistentes, demùm tortuosi, cirrosi. Pedunculi axillares, simplices, uniflori, angulati, pilosi, foliis longiores, medium versùs bracteati. Bractæ geminæ, oppositæ, foliolis conformes, at minores. Flores penduli, campanulati, saturati violacei, inodori. Petala quatuor, æqualia, obovata, obtusa, venosa, corrugata, repanda, sesquiuncialia ; basi conniventia, extùs pubescentia ; ultra medium patentia, glabrata. Stamina et pistilla numerosa, petalis duplo breviora. Germina pilosa. Styli elongati, lineares, ferè glabri. Seminum caudæ , ut videtur, glabrae.
Foliorum formâ insignitèr variat, nec non florum colorè, interdùm pulchrè rubro, sæpiùs verò tristè violaceo.
a. Flos absque petalis.  b. Petalum e parte internâ.

(1825)  Page(s) Vol.5, fasc.2,p.66-67, Pl.482.  Includes photo(s).
 
ICOSANDRIA POLYGYNIA.
ROSA.
Linn. Gen. Pl. 254. Juss. 335. Sm. Engl. FI. v. 2. 369. Gærtn. t. 73.
Calyx quinquefidus ; tubo demùm carnoso, intùs polyspermo, setoso. Petala quinque.
TABULA 482.
ROSA GLUTINOSA.
Rosa fructu globoso pedunculoque hispido, calyce subpinnato, aculeis aduncis, foliolis duplicato-serratis utrinque glandulosis.
R. glutinosa. Prodr. v. 1. 348. Lindl. Ros. 93.
R. cretica montana, foliis subrotundis glutinosis et villosis. Tourn. Cor. 43.
R. pumila alpina, pimpinellae exactè foliis sparsis, spinis incurvis, aquatè purpurea. Cupan. Panphyt. ed. 1. v. 1. t. 61.

In Cretae montibus Sphacioticis. Ϧ.

Caulis humilis, ramosissimus, rigidus, teres, undique copiosè aculeatus, aculeis sparsis, rariùs aggregatis, aduncis, acutis, duris, uniformibus, parùm inæqualibus, ferrugineis, basi dilatatis, compressis ; ramulis brevibus, foliosis, glandulosis, vix pubescentibus, apice unifloris. Folia alterna, patentia, pinnata, decidua ; foliolis septem, subrotundis, obtusis, duplicato-serratis, glaucescentibus, utrinque, ut et serraturis, glandulosis, viscidis, subpubescentibus ; terminali ferè semunciali ; inferioribus sensim minoribus. Petioli spinulosi, glandulosi, undique tomentosi, sicut foliolorum nervi. Stipulæ utrinque petiolo adnatæ, sursùm dilatatæ, acutæ, subtùs margineque præcipuè glandulosæ; summæ interdùm aphyllæ, latiores, bracteiformes. Flores terminales, solitarii, pedunculari, inter sui generis minores. Pedunculi breves, setis glandulosis vestiti. Calycis tubus globosus, undique setoso-glandulosus ; limbus  quinquepartitus, laciniis duabus tantùm subpinnatis, omnibus extùs glanduloso-scabris, pubescentibus. Petala obcordato-subrotunda, pallidè incarnata. Stamina numerosa, patentia, brevia; antheris flavis. Styli brevissimi, parùm exserti. Stigmata obtusa. Fructus globosus, coccineus, setis glandulosis patentibus densè muricatus, calyce coronatus. Semina plurima, obovato-triquetra, extùs basin versùs setosa.
Ad Eglanteriarum familiam pertinet haec species rarissima et proculdubiò distinctissima, quam in horto Societatis Horticultorum Londinensium florentem nuperrimè vidi.
a. Flos absque petalis, superne conspectus.
b. Idem infernè.
c. Petalum.
d. Fructus maturus.
e. Semen.

(1825)  Page(s) Vol.5, fasc.2, p.67, Pl.483.  Includes photo(s).
 
TABULA 483.
ROSA SEMPERVIRENS.
Rosa fructu subrotundo hispido, paniculâ glandulosâ multibracteatâ, foliolis simplicitèr serratis, stylis coadunatis hirtis.
R. sempervirens. Linn. Sp. PI. 704. Willden. Sp. Pl. v. 2. 1072. Ait. Hort. Kew. ed. 2. v. 3. 263. Lindi. Ros. 117,
R. sempervirens Jungermanni. Clus. Hist. append. 2, ad finem. Dill. Elth. v. 2. 326. t. 246.
R. moschata sempervirens. Bauh. Pin. 482. Tourn. Inst. 637.
Κυνοσβατον Diosc. lib. 1. cap. 123; optimè monente Sibthorp.
‘Aγςιο τρανταφυλλα hodiè.
‘Aγςιο μοσϗια Zacynth.

In sepibus Graeciæ frequens. Ϧ.

Caulis fruticosus, scandens, sarmentis longissimis, ramosis, teretibus, foliosis, aculeatis, glaberrimis, purpuro-virentibus. Aculei sparsi, parvi, compressiusculi, acuti, deflexi. Folia sempervirentia, lucida, glaberrima; foliolis quinque, ovatis, acutis, acute et æqualitèr serratis, ferè sesquiuncialibus ; subtus pallidioribus. Petioli canaliculati, angusti, rubicundi, paululùm spinulosi et glanduloso-setosi. Stipulæ angustæ, obsoletè glandulosæ, apice lanceolatæ, divaricatæ. Paniculæ terminales, compositæ, erecto-patulæ, multifloræ, bracteatæ. Bracteæ sparsæ, ovatæ, acuminatæ, glabræ. Pedunculi , ut et calyx , undique glanduloso-setosi. Flores nivei, suaveolentes. Calycis  tubus ellipticus ; limbi laciniæ ovatæ, acuminatæ, breves, omninò ferè simplices et uniformes. Petala obcordata, patentia, calyce duplo longiora ; ungue flavescentia. Stamina numerosa, vix calycis longitudine ; antheris flavis. Styli porrecti, in columnam coadunati, densè hirsuti. Stigmata obtusa, glabra. Fructus, ex Dillenio, parvus, rotundus.
Stylis valde hirsutis ab affinibus omnibus perquàm distincta manet. Confer amicissimi D. Sabini annotata apud Hort. Soc. Trans, v. 4. 456.
a. Flos, petalis orbatus. b. Petalum.